غابة في مدينة (Durham)البريطانيةرمضان جانا، فكل سنة وانتم طيبين وعلاقتي حميمة جدا بهذا الشهر ونراجي فيه، وبدات نهني في احبابي وتذكرت
مدونتي وكل الناس اللي التقيت بها ع النت، كل الرحلة اللي قاعدة تستنى فيا بيش نكملها تفكرتكم كلكم وقلت خليني نهنيكم بسيدي رمضان
كل سنة وانتم طيبين واحد واحد ومدونة مدونة والقراء والمعلقين واللي يتسهوكوا واللي يشكروا واللي يذموا
كل سنة وانت طيبة ام ايمن، واسمحولي هنا نذكرها بالذات لانها سيدة لا تعرفني ولا اعرفها وما بطلتش تسأل عني وعن
المدونة، بالرغم انقطاعي الطويييييل واحترامي وتقديري لغيرها اللي سألوا
كل سنة وانت طيبين، اللي يحبني واللي يكرهني
كل سنة وانتم طيبين للراضي والزعلان
كل سنة وانتم طيبين اللي يبعتلي وينك ليش وقفت المدونة وللي يبعت فكينا منك و وقفي هالمدونة
كل سنة وانت طيب بش مهندس رامز النويصري، ومش ناسية التدوين غير مشغولة في يحي شوية
نيوكاسل والمسلمين اللي في نيوكاسل والسوق والشارع والاذان اللي مرة مرة تجيب فيه الريح من الجامع وينسمع حتى وهو بلا ميكرفون والباكستان والاكراد والهنود والعرب
الليبين اللي صايمين في نيوكاسل وكل بريطانيا
رمضان مبارك
اعاننا الله على طاعاته
هناك 20 تعليقًا:
السلام عليكم
هو رمضان عبارة عن كشف حساب لكل شئ
والجميل فيه الاحساس بالتصالح مع النفس ومع الاخرين وصفاء روحنى مركز يخليك تشوفى كل شئ من جوانبه المشرقة
كل رمضان وكل من حواليك بخير وبصحة وعافية ...
وبالنسبة لجواز السفر من غير مدة صلاحية محددة وهذا شئ يخليك تبتهجي انه لا فيه تجديد ولا استخراج جديد
مبارك عليك شهر الرحمة والمغفرة والعتق من النار
له زمان القمر مابان!
كل سنة وانت طيبة كريمة
وكل سنة واسرتك الصغيرة بخير
عاودي
عاودي
ماتخلينش نكسدوا
السلام عليكم
رمضان كريم وكل سنة وأنت بخير
على قولك نسيم ليبيا
لا صلاحية ولاتجديد جلدة ولا غيره
كل عام وانت بخير و والدتك وكل من حولك
عزيزتي ليلى
شكلنا عائدون، الباين هكي، الحمد لله يحي كبر شوية ونحس في روحي احسن
مش ح نخليك تكسدي
وكل سنة وانت طيبة وبصحة وبخير و ما فيش قمر معاك(تعرفي القصيدة اللي تقول: انت قمرة ما معاك قمر) اهداء ليك
اليكم
كل سنة وبخير وسعادة
والله فرحت ان مازال من يذكر فيا
الله يبارك فيك
تدوينة خفيفة لطيفة
لكن نراجو في الثقيل
تحياتي
كل العام وانت بخير وعائلتك الكريمة نحن فى انتظار جديدك بستمرار دمتى بخير
كل عام وإنتي وأسرتك الكريمة بخير ورمضانكم مبارك... إن شاءالله ربي يتقبل منا ومنكم الصيام والقيام ويعيده علينا وعليكم
تقبل الله طاعتكم
واعانكم على
ذكره
وشكره
وحسن عبادته
مع فائق الاحترام والتقدير
علي رحيل
مدونة المخلاة الليبية
غرة رمضان 1432 هـ
و أنت طيبة و ينعاد عليكم بالخير و الصحة والعافية .
كل عام وانت بخير سيدة كريمة مع زوجك الاستاذ رامز ويحيى...مسرورة لانك ماتزالين تتذكرين انك صاحبة جواز سفر لطالما شدنى واسعدتنى صاحبته بتدوينات مميزة...رمضان كريم
السلام عليكم و رحمة الله
من العــــايدين الفــــايزين
ان شاء الله
اختك
مى
السلام عليكم
تقبل الله منا ومنكم وكل عام انتم بخير
السلام عليكم كريمة
مأسرع مرور الوقت
رمضان انقضى وحل العيد
كل عام وأنت ِ بخير
دمت ِ بود
هند
بسم الله الرحمن الرحيم
الأخت الفاضلة : كريمة
سعدت لمرورى بمدونتك المحترمة
وتحياتى لزوجك وجدتك وكوثر ولك طبعا
وتقبلى دعوتى لزيارة مدونتى ( أمى )
بالصدفه .. ارست سفينتي على شط مدونتك الجميلهـــ
متعة القرآءه اجدهآ في جمآل حرفك ..
اتابعك بشدّه
فرآآشه
سلمت الأيادي التى كتبت من الصدق
ومن انصائح الجميله
الرسالة واصلة للجميع ونتمنى لكى التوفيق
وتوا؟؟؟
شن رايك في رمضان السني؟؟
لا ضي لا مية ولا حتى اعصاب
والماكلة بالهون
واطقطيق من كل تركينة
لا خلوا هاون ولا ميم طا
باش افتكينا من هالمصيبة الرئيس الفار
ردي بالك من كلمة الفار وتكي عليها شوية
كل سنة وانت طيبة حبيبتي
إرسال تعليق